პოლონეთის ქალაქ შეცინში დაიწყო “საბჭოთა ჯარისკაცის მემორიალის” დემონტაჟი. ამის შესახებ წერს პოლონური გაზეთი “Niezalezna”.
“მონუმენტი ახლა შემოკავებულია და მიმდინარეობს მოსამზადებელი სამუშაოები. დემონტაჟის პროცესი ორ ნაწილად ჩატარდება: ჯერ აიღებენ კოლონებს და კვარცხლბეკს, შემდეგ კი სკულპტურებს. დემონტაჟი ერთი კვირა გაგრძელდება. სკულპტურული ელემენტები შეცინის სასაფლაოზე დაიდებენ ბინას, ხოლო მემორიალის ადგილზე სკვერი გაიხსნება”,- განუცხადეს გამოცემას ქალაქის მერიაში.
საბჭოთა ჯარისკაცის მემორიალი ქალაქ შეცინში 1950 წელს გაიხსნა.
შეგახსენებთ, ამა წლის 21 ოქტომბერს პოლონეთში მიიღეს კანონი “კომუნისტური და სხვა ტოტალიტარული წყობის პროპაგანდის აკრძალვის შესახებ”.