პოლონეთის პრეზიდენტმა მაიკ პენსს რუსეთის საქართველოსა და უკრაინის აგრესიები შეახსენა

თაიმერი timer.ge
ავტ.: თაიმერი timer.ge სექტემბერი 3, 2019 22:28

პოლონეთის პრეზიდენტმა მაიკ პენსს რუსეთის საქართველოსა და უკრაინის აგრესიები შეახსენა

პოლონეთის პრეზიდენტმა ანჟეი დუდამ აშშ-ს ვიცე-პრეზიდენტ მაიკ პენსთან შეხვედრაზე განაცხადა, რომ რუსეთის G8 ფორმატში დაბრუნების წინააღმდეგია – პოლონური TVN24 ავრცელებს. “თუკი დავაკვირდებით იმას, როგორ იქცევა რუსეთი, შეგვიძლია დარწმუნებით ვთქვათ, რომ ის თავის იმპერიულ გეგმებს ანხორციელებს საზღვრების შეცვლით, სამხედრო თავდასხმებით – ეს მოხდა 2008 წელს საქართველოში, ეს მოხდა 2014 წელს უკრაინაში… დღეს უკრაინა საკუთარი ტერიტორიების ნაწილს ვერ აკონტროლებს და ეს ის სიტუაციაა, რომელიც ევროპაში არასდროს არ უნდა მოხდეს” – დუდამ თქვა და დაამატა, რომ “სამწუხაროდ, რუსეთი უკანასკნელი წლების მანძილზე ისეთ ნაბიჯებს დგამს, რომ ვერავინ, ვინც საერთაშორისო სამართალს პატივს სცემს, გულგრილი ვერ იქნება”.

“საკუთარ თავს ასე უნდა ვკითხოთ: ნიშნავს თუ არა ეს მიდგომა რუსეთისადმი პრინციპს business as usual? არა მგონია, ეს მისაღები იყოს. ეს ჩემი პოზიციაა და არ მერიდება ის გამოვხატო” – თქვა პოლონეთის პრეზიდენტმა.

რუსეთის “დიდ რვიანში” აღდგენის იდეით აშშ-ს პრეზიდენტი დონალდ ტრამპი გამოვიდა. მომდევნო წელს, როცა აშშ იქნება G7 შეხვედრის ორგანიზატორი, ტრამპმა თქვა, რომ ის რუსეთის პრეზდენტს, როგორც საპატიო სტუმარს, მიიწვევს სამიტზე.

თაიმერი timer.ge
ავტ.: თაიმერი timer.ge სექტემბერი 3, 2019 22:28

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,233
ვიზიტორი
დღეში
Powered By Google Analytics