პოლონეთის მმართველი პარტიის ხელმძღვანელს იაროსლავ კაჩინსკის სეიმის დატოვებაში, სადაც ათასობით დემონსტრანტი საპროტესტო აქციაზე იყო შეკრებილი, პოლიცია დაეხმარა. კაჩინკისთან ერთად პოლონეთის პარლამენტი ქვეყნის პრემიერ-მინისტრმაც დატოვა. ოპოზიციური პარტიის დეპუტატმა ეჟი მეიშტოვიჩმა პოლონურ მედიას განუცხადა, რომ პოლიციამ დემონსტრანტების წინააღმდეგ ცრემლსადენი გაზი გამოიყენა.
გუშინ ვარშავაში საპროტესტო აქციის მონაწილეებმა სეიმის ყველა გასასვლელი გადაკეტეს, რომლის შემდეგადაც ოპოზიციამ მმართველ პარტიას ბრალი დასდო იმაში, რომ მომავალი წლის ბიუჯეტი კანონდარღვევით მიიღეს. აქციის მონაწილეები კაჩინსკის ხალხთან გამოსვლას და დიალოგს ითხოვდა.
ასევე, ახალი წესებს თანახმად, პარლამენტის სხდომებზე დასწრება მხოლოდ 5 ტელეკომპანიას შეეძლება. ინიციატორები თვლიან, რომ ჟურნალისტები დეპუტატებს დროს ართმევებ და მუშაობის საშუალებას არ აძლევენ. ოპოზიციონერი დეპუტატები კანონს სიტყვის თავისუფლების შეზღუდვა თვლიან. ვარშავაში აქციები ორშაბათიდან ისევ განახლდება.
