პოლონეთიდან უკრაინასთან დამაკავშირებელ სარკინიგზო ხაზზე, სადაც კიევისთვის განკუთვნილი დასავლური სამხედრო დახმარების ეშელონები გადაადგილდება, დისტანციური ასაფეთქლის დეტონაციით ლიანდაგების ერთ-ერთი მონაკვეთი განადგურდა… დივერსიულ აქტს გამოეხმაურა პოლონეთის შეიარაღებული ძალების გენერალური შტაბი:
პოლონეთის გენერალური შტაბის უფროსი, გენერალი ვიესლავ კუკულა მოსახლეობას ქვეყნის წინააღმდეგ მიზანმიმართულ დივერსიაზე აფრთხილებს , რომლის მიზანია ინსტიტუტების მიმართ ნდობის შერყევა და პოტენციური აგრესიისთვის ნიადაგის მომზადება. მისი თქმით, მოწინააღმდეგემ, ანუ რუსეთმა ომისთვის მზადება უკვე დაიწყო.
პოლონეთის მთავრობა აცხადებს, რომ ასეთი ოპერაციები საზოგადოების ნდობის შესუსტებისა და აგრესიისთვის ხელსაყრელი პირობების შექმნის ფართო სტრატეგიის ნაწილია. პრემიერ-მინისტრმა, დონალდ ტუსკმა დაადასტურა, რომ აფეთქება განზრახ იყო მოწყობილი და აღნიშნა, რომ ასაფეთქებელმა მოწყობილობამ რკინიგზის ლიანდაგის მონაკვეთი გაანადგურა.
ხელისუფლებამ გამოავლინა დამატებითი დაზიანება იმავე ხაზზე, ლუბლინთან უფრო ახლოს, რაც სტრატეგიული ინფრასტრუქტურის ჩაშლის კოორდინირებულ მცდელობებზე მიუთითებს.
გენერალმა კუკულამ აღნიშნა, რომ დივერსიის მიზანია საზოგადოების ნდობის შესუსტება მთავრობის, უსაფრთხოების ინსტიტუტებისა და ნატოს კოორდინაციის მიმართ, და ამას პოტენციური აგრესიისთვის მზადება უწოდა.
