პოლონეთის საგარეო საქმეთა სამინისტრო ყირიმის ტერიტორიაზე რუსეთის დუმას არჩევნებს არ თვლის ლეგიტიმურად – უწყების გვერდზეა ნათქვამი.
პოლონეთის სააგრეო უწყებაში განაცხადეს, რომ ყირიმის ნახევარკუნძული იურიდიულად უკრაინას ეკუთვნის. “დეპუტატების არჩევა ოკუპირებულ ტერიტორიაზე, არჩევნების ლეგიტიმურობას ეჭვქვეშ აყენებს” – ნათქვამია განცხადებაში.
დღესვე, 20 სექტემბერს გავრცელდა, რომ აღნიშნული არჩევნები არალეგიტიმურად ცნო ევროკავშირმა.
ყირიმში, ისევე, როგორც რუსეთის ტერიტორიაზე, რუსეთის დუმას არჩევნები 18 სექტემბერს ჩატარდა.
რუსეთმა ყირიმის ანექსია 2014 წელს მოახდინა.