“პოლიტიკურ მხარეებს შორის მოლაპარაკებების პროცესში საარჩევნო კანონმდებლობის ცვლილებები განიხილება”

region
ავტ.: region დეკემბერი 7, 2020 17:44

“პოლიტიკურ მხარეებს შორის მოლაპარაკებების პროცესში საარჩევნო კანონმდებლობის ცვლილებები განიხილება”

პარტია „ქართული ოცნების“ აღმასრულებელი მდივნის, ირაკლი კობახიძის ინფორმაციით, პოლიტიკურ მხარეებს შორის მოლაპარაკებების პროცესში განიხილება საარჩევნო კანონმდებლობის ცვლილებები.

ირაკლი კობახიძემ ჟურნალისტებთან საუბარში არ დააკონკრეტა, რა სახის ცვლილებების განხორციელება იგეგმება საარჩევნო მიმართულებით.

„განიხილება საარჩევნო კანონმდებლობის ცვლილებები. ამაზე არაერთი კომენტარი გაკეთდა და ახლაც შემიძლია, დავადასტურო. აქაც დეტალებში ვერ შევალთ იმ პირობიდან, რაც გვაქვს, მათ შორის ელჩების წინაშე“, – დასძინა კობახიძემ.

საქართველოში აშშ-ის ელჩის რეზიდენციაში მოლაპარაკებების მესამე რაუნდი გაიმართა. შეხვედრას ოპოზიციის რვა წარმომადგენელი ესწრებოდა, „ქართული ოცნებიდან“ კი მოლაპარაკებაზე არჩილ თალაკვაძე და ირაკლი კობახიძე იმყოფებოდნენ.

region
ავტ.: region დეკემბერი 7, 2020 17:44