ქუთაისის საქალაქო სასამართლომ სამტრედიის რაიონული პოლიციის თანამშრომელი გოდერძი თევზაძე უდანაშაულოდ ცნო. თევზაძეს პრკურატურა 22 წლის მამაკაცის თვითმკვლელობამდე მიყვანას და სამსახურებრივი უფლებამოსილების გადამეტებას ედავებოდა. ბრალის დამტკიცების შემთხვევაში თევზაძეს 5 წლიდან 8 წლამდე თავისუფლების აღკვეთა ემუქრებოდა.
ქუთაისის საქალაქო სასამართლოში გოდერძი თევზაძის საქმის არსებითი განხილვა 9 თვის განმავლობაში მიმდინარეობდა. დაკავებული პოლიციელის ინტერესებს პირველი ინსტანციის სასამართლოში ადვოკატი ლედი ტუკვაძე იცავდა.
შეგახსენებთ, რომ მიმდინარე წლის 7 აგვისტოს, სოფელ დაფნარში 22 წლის დემურ სტურუამ სიცოცხლე თვითმკვლელობით დაასრულა. სიკვდილამდე მან წერილი დატოვა, სადაც გადაწყვეტილების მიზეზად, ადგილობრივი რაიონული პოლიციის თანამშრომლის, გოდერძი თევზაძის მხრიდან ზეწოლას ასახელებდა.
