ვისკონტის შტატის ქალაქ რასინში დაკავებულია მამაკაცი, რომელმაც სოციალური ქსელებით შავკანიან მოსახლეობას პოლიციელებისა და მათი ოჯახების დახოცვისკენ მოუწოდა – WISN-ი ავრცელებს.
დაკავებული 43 წლის მამაკაცია და მას ბრალი ორი მძიმე მუხლით წაეყენა – კონკრეტულად რა მუხლებზეა საუბარი, არ ზუსტდება. პოლიციაში აღნიშნეს, რომ სამართალდამცველებმა გამოავლინეს პროფესიონალიზმი და მამაკაცი განყოფილებაში რაიმე სახის ინციდენტის გარეშე მიიყვანეს.
შეგახსენებთ, რომ გუშინ ქუჩებში ათასობით ამერიკელი გამოვიდა პროტესტის ნიშნად, რომელიც პოლიციელების მიერ ორი შავკანიანის მოკვლის გამო დაიწყო.