პოლიციამ ახვლედიანის ქუჩაზე მომხდარი მკვლელობის ფაქტი ცხელ კვალზე გახსნა – დაკავებულია 1 პირი

შინაგან საქმეთა სამინისტროს თბილისის პოლიციის დეპარტამენტის
თანამშრომლებმა, ჩატარებული ოპერატიულ-საგამოძიებო და სამძებრო
მოქმედებების შედეგად, 1998 წელს დაბადებული ვ.ც., განზრახ მკვლელობის
ბრალდებით, ცხელ კვალზე დააკავეს.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ ვ.ც.-მ მიმდინარე წლის 31 ოქტომბერს, ღამით, ცივი
იარაღით სხეულზე მრავლობითი ჭრილობა მიაყენა, თბილისში, გ. ახვლედიანის
ქუჩაზე მდებარე ერთ-ერთ მასაჟის სალონში დასაქმებული უცხო ქვეყნის მოქალაქე
– ტრანსგენდერ ქალს, რომელიც ადგილზევე გარდაიცვალა. ბრალდებულმა იმავე
სალონში მყოფ კიდევ ერთ ტრანსგენდერ ქალს სხეულზე დაზიანება მიაყენა და
შემთხვევის ადგილიდან მიიმალა. დაჭრილი მოქალაქის სიცოცხლეს საფრთხე არ
ემუქრება.

სამართალდამცველებმა, ცხელ კვალზე ჩატარებული საგამოძიებო და სამძებრო
მოქმედებების შედეგად, ვ.ც. თბილისში დააკავეს.

პოლიციამ დანაშაულის ჩადენის იარაღი – დანა ნივთმტკიცებად ამოიღო.

გამოძიება განზრახ მკვლელობის ფაქტზე, საქართველოს სისხლის სამართლის
კოდექსის 108-ე მუხლით
მიმდინარეობს.

წინა სტატიაშიირაკლი ღარიბაშვილი- მარკ რუტესთან შეხვედრაზე საქართველოსა და ნიდერლანდების ურთიერთობების საკითხები და საქართველოს სუვერენიტეტის და ევროატლანტიკური მისწრაფებების მიმართ ნიდერლანდების მხარდაჭერის მნიშვნელობა განვიხილეთ
შემდეგი სტატია“მთელი საქართველო გააოგნეთ თქვენი ისტორიული გამარჯვებით… გია, ყველაფერი გამოგვივა”-მიხეილ სააკაშვილი