“პოლიცია არ იგვიანებს არსად, მერწმუნეთ ამაში”-გახარია ოპოზიციის ბრალდებებს პასუხობს

გაერთიანებული ოპოზიციის ზუგდიდის მერობის კანდიდატ, სანდრა რულოვსზე დღეს განხორციელებულ თავდასხმას, შინაგან საქმეთა მინისტრი ეხმაურება. გახარიამ ოპოზიციის ლიდერების ბრალდებებს უპასუხა, რომლებიც ამბობენ, რომ ინციდენტის დროს, პოლიციამ დააგვიანა.

შს მინისტრის განცხადებით, პოლიცია არსად აგვიანებს, თუმცა ბრალდებაზე დეტალურ კომენტარს წერილობით მას შემდეგ აცნობებს მედიას, რაც საკითხში გაერკვევა.

“პოლიცია არ იგვიანებს არსად, მერწმუნეთ ამაში. ამ კონკრეტულ შემთხვევაში დეტალურად გავერკვევი და წერილობით მოგახსენებთ, დააგვიანა თუ არა,”-განაცხადა გახარიამ.

სანდრა რულოვსს “ქართული ოცნების” პროვოკატორებმა სიტყვიერი შეურაცხყოფა მიაყენეს. შემთხვევა დადიანების სასახლის ეზოში მოხდა. ტელეკომპანია “ოდიში” მერობის კანდიდატზე გადაცემას ამზადებდა, როდესაც “ქართული ოცნების” აგენტ-პროვოკატორები გამოჩნდნენ. მათ მერობის კანდიდატს სიტყვიერი, ხოლოდ გადამღებ ჯგუფს ფიზიკური შეურაცხყოფა მიაყენეს.

მომხდარზე შინაგან საქმეთა სამინისტრომ გამოძიება დაიწყო. უწყების ინფორმაციით, სისხლის სამართლის საქმე 126-ე მუხლით აღიძრა, რაც ძალადობას გულისხმობს.

banner
წინა სტატიაშიარავის არ მივცემთ საშუალებას, რომ დეზინფორმაციით მოხდეს დისკრედიტაცია არჩევნების – შს მინისტრი
შემდეგი სტატიავაზილ ჰუდაკი – ევროპის საინვესტიციო ბანკისთვის რეგიონში საქართველო მთავარი პარტნიორია