ამერიკის შტატ ფლორიდაში პოლიციელებმა მამაკაცი მოკლეს, როცა ის მშვიდად სადილობდა საკუთარ ეზოში – დღეს The Independent-ი წერს.
ინდციდენტი ქალაქ პომპანო-ბიჩზე მოხდა. პოლიციელები კერძო სახლში ოჯახური კონფლიქტის გამო გამოძახებით მივიდნენ: 59 წლის გრეგორი ფრეიზერი ქალიშვილთან წაკამათდა.
მიუხედავად იმისა, რომ მამა-შვილი სამართალდამცველების მოსვლამდე შერიგდნენ, ორი პოლიციელი ეზოში უკანა მხრიდან შევიდნენ, სადაც დაინახეს მამაკაცი, რომელიც ქათამს და კარტოფილს მშვიდად ჭამდა. როგორც დაღუპულის ძმისშვილმა განაცხადა, პოლიციელებმა მამაკაცს დაწოლა უბრძანეს, რაზეც მან უპასუხა: “თავი დამანებეთ”. მორიგი ბრძანებისას შეუსრულებლობის შემდეგ, პოლიციელებმა მას ესროლეს.მეზობლებმა ხუთი გასროლა გაიგეს.
სამართალდამცველებმა მამაკაცი საავადმყოფოში გადაიყვანეს, მაგრამ მისი გადარჩენა ვერ მოხერხდა.
პოლიციელები, გამოძიების დასრულებამდე ადმინისტრაციულ შვებულებაში არიან გაშვებული.