დღეს, ფლორიდაში დონალდ ტრამპისა და ვოლოდიმირ ზელენსკის შეხვედრაა დანიშნული. უკრაინული მედიის თანახმად, თეთრი სახლის განრიგის მიხედვით, პრეზიდენტების ორმხრივი მოლაპარაკებები ქალაქ პალმ-ბიჩში ადგილობრივი დროით 13:00 საათზე დაიწყება. ეს კიევის დროით 20:00 საათს შეესაბამება, ხოლო თბილისის დროით – 22:00 საათს.
უკრაინული დელეგაცია უკვე აშშ-ში ჩამოვიდა. ზელენსკის განცხადებით, შეხვედრაზე უკრაინის მხარეს წარადგენენ:
-
რუსტემ უმეროვი – ეროვნული უსაფრთხოებისა და თავდაცვის საბჭოს მდივანი;
-
ალექსეი სობოლევი – ეკონომიკის მინისტრი;
-
ანდრეი ჰნატოვი – უკრაინის შეიარაღებული ძალების გენერალური შტაბის უფროსი;
-
ალექსანდრ ბევზი – პრეზიდენტის ადმინისტრაციის უფროსის მრჩეველი;
-
სერგეი კისლიცა – საგარეო საქმეთა მინისტრის პირველი მოადგილე.
