აფხაზეთში მიმდინარე რეფერენდუმზე ამომრჩევლების რეკორდულად დაბალი რაოდენობა დაფიქსირდა

თაიმერი timer.ge
ავტ.: თაიმერი timer.ge ივლისი 10, 2016 20:04

აფხაზეთში მიმდინარე რეფერენდუმზე ამომრჩევლების რეკორდულად დაბალი რაოდენობა დაფიქსირდა

შუადღის მონაცემებით, დღეს აფხაზეთში მიმდინარე რეფერენდუმზე, ამომრჩევლების რეკორდულად დაბალი რაოდენობა დაფიქსირდა. პრეს-კონფერენციაზე, რომელიც დე-ფაქტო რესპუბლიკის ცენტრალური საარჩევნო კომისიის თავმჯდომარემ, ბატალ ტაბაღუამ ჩაატარა, განაცხადა, რომ სოხუმში დღის პირველ ნახევარში 39 768 ამომრჩევლიდან მხოლოდ 166 გამოცხადდა, გუდაუთის რაიონში 24 419 ამომრჩევლიდან – 150, სოხუმის რაიონში 7 451-დან – 77, გაგრაში 26 747-დან – 174, გულრიფშის რაიონში 12 110 ამომრჩევლიდან – 87, ოჩამჩირეს რაიონში 15 712-დან – 62, ტყვარჩელში 6 663-დან – 25, გალის რაიონში 340-დან – ერთი ამომრჩეველი.

საერთო ჯამში, ამომრჩევლების მხოლოდ 0,54%-მა მიიღო მონაწილეობა რეფერენდუმში, რომელმაც უნდა გადაწყვიტოს აფხაზეთის დე-ფაქტო პრეზიდენტის ვადამდელი არჩევნების დანიშვნის შესახებ.

ტაბაღუას თქმით, რეფერენდუმი 8,5 მილიონი რუბლი (250 ათასი ლარი) დაჯდა.
რეფერენდუმის ინიციატორია თვითგამოცხადებული რესპუბლიკის ხელისუფლების ოპოზიცია.

თაიმერი timer.ge
ავტ.: თაიმერი timer.ge ივლისი 10, 2016 20:04