პირველ არხს ახალი შენობის ასაშენებლად პოლიტკოვსკაიას ქუჩაზე არსებულ მიწის ნაკვეთს გადასცემენ.
საზოგადოებრივი მაუწყებლის სამეურვეო საბჭომ და მენეჯმენტმა ეკონომიკის სამინისტროს მიწის ნაკვეთის გამოყოფის თხოვნით მიმართეს. უწყებამ პირველ არხს პოლიტკოვსკაიას ქუჩაზე 2 ჰექტარი მიწის ნაკვეთი შესთავაზა. შეთავაზებას სამეურვეო საბჭოს 9 წევრიდან 7 დაეთანხმა, 2-მა თავი შეიკავა.
შენობა 3 წელიწადში აშენდება. პროექტი კონკურსის შედეგად შეირჩა.
საზოგადოებრივი მაუწყებელი კოსტავას ქუჩაზე არსებული ქონების გასხვისების შედეგად მიღებულ თანხას ახალი შენობისთვის და ტექნიკური გადაიარაღებისთვის გამოიყენებს.