ფინეთისა და შვედეთის ჩრდილოატლანტიკურ ალიანსში შესვლამ შესაძლოა, ბალტიის ზღვის რეგიონში სამხედრო სიტუაციის გაუარესება გამოიწვიოს. ამის შესახებ რუსეთის საგარეო საქმეთა მინისტრის მოადგილემ ალექსანდრე გრუშკომ განაცხადა.
„თუ მადრიდის გადაწყვეტილებების ლოგიკას მივყვებით, მაშინ ამ გაწევრიანების დასრულების შემდეგ ნატო დაიწყებს იმის თქმას, რომ ყველაზე დიდი მოწყვლადობა რუსეთ-ფინეთის საზღვარია, რომელიც დაცული უნდა იყოს, ამიტომ, აუცილებელია ჯარების განთავსება, იარაღი და ა.შ. ეს ყველაფერი გამოიწვევს რეგიონული უსაფრთხოების გაუარესებას, ეს მნიშვნელოვნად გაართულებს სიტუაციას ზოგადად ჩრდილოეთში, ეს შეამცირებს მშვიდობიანი თანამშრომლობის შესაძლებლობებს, რაც ახლა ძალიან მოთხოვნადია. ყველაზე სერიოზულად გააუარესებს სამხედრო ვითარებას ბალტიის ზღვის რეგიონში“, – განაცხადა გრუშკომ.
