ფინანსთა სამინსიტროს საგამოძიებო სამსახურმა არალეგალურად მოქმედი აზარტული თამაშების კლუბი გამოავლინა

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ – სამძებრო ღონისძიებებისა და საგამოძიებო მოქმედებების შედეგად, ქვემო ქართლის რეგიონში, არალეგალური აზარტული თამაშების კლუბი გამოავლინეს.
გამოძიებით დადგინდა, რომ ქალაქ რუსთავში, ერთ – ერთ კომერციულ ფართში, სავალდებულო ნებართვის გარეშე, ფუნქციონირებდა აზარტული თამაშების კლუბი, სადაც არალეგალურად ტარდებოდა აზარტული თამაშები – „პოკერი“ და ე.წ. „რულეტკა.“ აღნიშნული კლუბის ლეგალურად ფუნქციონირების შემთხვევაში, სახელმწიფო ბიუჯეტში მილიონ ლარზე მეტი თანხა შევიდოდა.
გამოძიება მიმდინარეობს საქართველოს სისხლის სამართლის კოდექსის 192 – ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 1 – დან 3 წლამდე ვადით.

banner
წინა სტატიაშითამარ ჩუგოშვილი : მოქალაქეებმა უვიზოდ მიმოსვლის შეთანხმების ბოროტად გამოყენება უნდა შეწყვიტონ
შემდეგი სტატიაზამთრის სპორტული ოლიმპიადის საქართველოში ჩატარება უდიდესი პერსპექტივაა ქვეყნისთვის