„ერთად ძალადობის და ჩაგვრის წინააღმდეგ“ – ამ ლოზუნგით ფილარმონიიდან პარლამენტის მიმართულებით საპროტესტო მსვლელობა მიმდინარეობს.
შაბათის ტრადიციული მარშით, მოქალაქეები „საპოლიციო ძალადობას“ აპროტესტებენ. მსვლელობაში მონაწილეობას იღებს საქართველოს მე-5 პრეზიდენტი სალომე ზურაბიშვილიც.
ადგილზე მიტანილი აქვთ სხვადასხვა შინაარსის პოსტერები, ასევე საქართველოს, უკრაინის, აშშ-სა და ევროკავშირის დროშები.
მსვლელობის მონაწილეები პარლამენტთან შეკრებილებს შეუერთდებიან. მოქალაქეები ერთ წელზე მეტია საკანონმდებლო ორგანოსთან საპროტესტო აქციებს მართავენ და ითხოვენ, დაინიშნოს ახალი საპარლამენტო არჩევნები და გათავისუფლდნენ აქციების დროს დაკავებულები.
