გატაცებულია პიკაპი, რომელიც გახმოვანების აპარატურა იყო განთავსებული – „ევროპული საქართველო“ ხელისუფლებას აქციის ჩაშლის მცდელობაში ადანაშაულებს.
პარტიაში ამბობენ, რომ მათი ავტომობილი, რომელშიც გასახმოვანებელი აპარატურა იყო დამონტაჟებული აქციის მონაწილეებს პარლამენტის წინ აღარ დახვდათ. ავტომობილი და ტექნიკა “ევროპულ საქართველოს” კუთვნილებაა.
„ჩვენი პიკაპი, რომლითაც ხდებოდა გახმოვანება დაიკარგა. პატრულმა გააჩერა და მერე კონტაქტზე ვერ გავდივართ. ჩვენ ვთანამშრომლობთ პოლიციასთან, მაგრამ ეს ნაბიჯი, რომ პიკაპი დაიკარგა 90-იანი წლების ხელწერაა. ხელშეშლის მცდელობა არის, მაგრამ ეს არ მოიტანს შედეგს,“-ამბობს გიგა ბოკერია.