ფიჯის რესპუბლიკის თავდაცვისა და ეროვნული უსაფრთხოების მინისტრი საოკუპაციო ხაზთან იმყოფებოდა

ფიჯის რესპუბლიკის თავდაცვისა და ეროვნული უსაფრთხოების მინისტრი, რატუ ინოქე კუბუაბოლა, დელეგაციის სხვა წევრებთან ერთად გორის რაიონის სოფელ ხურვალეთში, საოკუპაციო ხაზთან იმყოფებოდა.

სახელმწიფო უსაფრთხოების სამსახურის საინფორმაციო-ანალიტიკური დეპარტამენტის წარმომადგენლებმა ფიჯის რესპუბლიკის დელეგაციის წევრებს ამომწურავი ინფორმაცია მიაწოდეს ოკუპირებულ რეგიონებში შექმნილ ვითარებასთან დაკავშირებით.

სუს-ის ინფორმაციით, ყურადღება გამახვილდა იმ გამოწვევებსა და პრობლემებზე, რომელიც ოკუპირებული ცხინვალის რეგიონიდან მომდინარეობს.

სახელმწიფო უსაფრთხოების სამსახურის წარმომადგენლები მაღალი რანგის სტუმრებს ასევე ესაუბრნენ უკანონო ე.წ. ბორდერიზაციის პროცესზე და იმ პრობლემებზე, რომელიც ადგილობრივ მოსახლეობას ყოველდღიურად მავთულხლართებით, ღობეებით და სხვა ხელოვნური ბარიერებით ექმნება.

banner
წინა სტატიაშიმაღალი თანამდებობის პირთა შემოსავლები და ხარვეზები სახელფასო პოლიტიკაში – IDFI-ის ანგარიში
შემდეგი სტატიააკაკი ზოიძე : მამუკა ბახტაძეს გაერო-ში ძალიან კარგი გამოსვლა ჰქონდა