ფარმაცევტული კომპანია Pfizer-ის აღმასრულებელმა დირექტორმა, ალბერტ ბურლამ განაცხადა, რომ კორონავირუსის საწინააღმდეგო ყოველწლიური ვაქცინაცია, სავარაუდოდ, მრავალი წლის განმავლობაში იქნება საჭირო.
ალბერტ ბურლას თქმით, ეს საჭირო იქნება იმისთვის, რომ მოქალაქეებმა ვირუსის წინააღმდეგ მაღალი დონის დაცვა შეინარჩუნონ.
Pfizer-ის აღმასრულებელმა დირექტორმა ასევე აღნიშნა, რომ პანდემიის დროს, ვაქცინების მეშვეობით მილიონობით ადამიანის გადარჩენა მოხერხდა და რომ ვაქცინების გარეშე, საზოგადოების ფუნდამენტური სტრუქტურა საფრთხის ქვეშ აღმოჩნდებოდა.