ირანის პრეზიდენტმა მასუდ პეზეშქიანმა ტელეკომპანია „სიბიესთან“ (CBS) ინტერვიუში განაცხადა, რომ აშშ-სა და ირანს შორის დიალოგის აღდგენისთვის ვაშინგტონმა უნდა დაამტკიცოს, რომ ირანის ხელისუფლების ძალისმიერი გზით შეცვლას არ გეგმავს.
დონალდ ტრამპთან შესაძლო შეხვედრის შესახებ დასმული კითხვის საპასუხოდ, ირანის პრეზიდენტმა ხაზი გაუსვა ნდობის აღდგენისა და შეთანხმებების ერთგულების აუცილებლობას:
„პირველ რიგში, უნდა დავძლიოთ ამ ომით გამოწვეული უნდობლობა. ჩვენ უნდა ვიმოქმედოთ იმ შეთანხმებების შესაბამისად, რომლებსაც ხელი მოვაწერეთ. აშშ-მა უნდა აჩვენოს, რომ ჩვენი მთავრობისა და ჩვენი ადმინისტრაციის დამხობას არ აპირებს“, — განაცხადა მასუდ პეზეშქიანმა.
