“ერთიანი ნაციონალური მოძრაობის” დეპუტატ პეტრე ცისკარიშვილის განცხადებით, ქვეყანას რომ ნომრალური მთავრობა ჰყოლოდა და რეფორმების გატარება გაეგრძელებინა, თითოეული მოქალაქის წლიური შემოსავალი დაახლოებით 7 ათასი დოლარი უნდა ყოფილიყო დღეისთვის.
“გიორგი კვირიკაშვილმა აღნიშნა, რომ ქვეყნის ეკონომიკა ლარებში ითვლება, თუმცა მე მინდა შეგახსენოთ რომ ქვეყნის საერთაშორისო სიმდიდრე დოლარში იზომება. სწორედ დოლარში, 16 მილიარდი დოლარიდან, 2012 წლის მონაცემებით, დღეს 14 მილიარდ დოლარამდე ვართ ჩამოსული. ესაა მშრალი შეფასება. რაც შეეხება ხელიდან გაშვებული შესაზლებელობების ღირებულებას, ის დაახლოებით 8 მილიარს შეადგენს. ანუ, რომ არ ყოფილიყო ქართული ოცნება, რომელიც ქვეყნის ეკონომიკას სიძულვილს არ გადააყოლებდა, ჩვენი ეკონომიკა 40 მილიარდი ლარი იქნებოდა. შესაბამისად არ გაუფასურდებოდა ამ დონემდე ეროვნული ვალუტა.”,- განაცახდა პეტრე ცისკარიშვილმა.