რუსეთის ფედერაციის პრეზიდენტის პრესმდივანმა დიმიტრი პესკოვმა უარყო ინფორმაცია იმის შესახებ, რომ რუსული მხარე აპირებდა ყაზახეთის პრეზიდენტის ყასიმ-ჟომართ თოყაევის ალექსანდრე ნეველის ორდენით დაჯილდოებას.
„არ ვიცი, საიდან მოდის ეს ინფორმაცია, რადგან არანაირი დაჯილდოება არ იყო დაგეგმილი. ასეთი გეგმები არ ყოფილა“, – განაცხადა პესკოვმა.
მანამდე, „ეხო კავკაზამ“ დაწერა, რომ ყაზახეთის პრეზიდენტმა ყასიმ-ჟომართ თოყაევმა ალექსანდრე ნეველის სახელობის რუსული ორდენის მიღებაზე უარი განაცხადა. გავრცელებული ინფორმაციით, თოყაევის დაჯილდოების გადაწყვეტილება 17 ივნისს მოსკოვში მიიღეს.