“პუტინი-ტრამპი-ზელენსკის სამიტის გამართვა მხოლოდ შეთანხმებების დაფიქსირებისთვისაა შესაძლებელი”,_ ამბობს კრემლის პრესსპიკერი პესკოვი.
გამოცემა Axios-მა დღეს გაავრცელა ინფორმაცია, რომ CIA-ის დირექტორმა ჯონ რეტკლიფმა მოსკოვში ყოფნის დროს რუსულ მხარეს ტრამპს, ზელენსკისა და პუტინს შორის სამმხრივი შეხვედრა შესთავაზა.
მათი ინფორმაციით, რეტკლიფის ვიზიტის მიზანი ნაწილობრივ იმის დადგენა იყო, შეძლებდნენ თუ არა რუსეთის სადაზვერვო სამსახურების ხელმძღვანელები პუტინის დარწმუნებას, რომ უკრაინასთან აშშ-ის შუამავლობით მიმდინარე მოლაპარაკებები განახლებულიყო.
