თურქეთის პრეზიდენტმა რეჯეფ თაიფ ერდოღანმა რუსეთის ლიდერს ვლადიმერ პუტინს განუცხადა, რომ ანკარას შეუძლია უკრაინა-რუსეთის ომის დასრულებაში დახმარება გაუწიოს, მაგრამ მან უარი მიიღო. ამის შესახებ „როიტერი“ იუწყება.
ერდოღანმა, ყაზახეთში შანხაის თანამშრომლობის ორგანიზაციის სამიტის ფარგლებში პუტინთან საუბრისას განაცხადა, რომ მას სჯერა სამართლიანი მშვიდობის მიღწევის შესაძლებლობის, რომელიც ორივე მხარისთვის სარგებლიანი იქნება.
ამასთან, კრემლის ლიდერის პრესმდივანმა, დმიტრი პესკოვმა თქვა, რომ თურქეთის პრეზიდენტი ვერ იქნება შუამავალი კონფლიქტის მოგვარების კუთხით.
„არა, ეს შეუძლებელია“, – თქვა პესკოვმა დასმული კითხვის საპასუხოდ.
