პერუს დედაქალაქში, ალეხანდრო ვილიანუევას სტადიონზე, „ალიანსა ლიმასა“ და მის მთავარ მეტოქე „უნივერსიტარიოს“ მატჩის მოლოდინში ნამდვილი ქაოსი დატრიალდა.
პოლიციის ინფორმაციით, სამხრეთ ტრიბუნაზე გულშემატკივრების უკონტროლო ნაკადმა ადამიანების ხაფანგში მოქცევა გამოიწვია. გავრცელებულ კადრებში ჩანს ფოიერვერკების ფონზე შეკრებილი უზარმაზარი მასა და ტრიბუნებზე მყოფი დაშავებულები.
სახანძრო ბრიგადის ცნობით, დადასტურებულია ერთი ფატალური შემთხვევა. ჯანდაცვის სამინისტრო კი აცხადებს, რომ ჰოსპიტალიზებულია 60 ადამიანი.
თავდაპირველად გავრცელდა ინფორმაცია სტადიონის კედლის ჩამონგრევის შესახებ, თუმცა პოლიციამ და კლუბის ხელმძღვანელობამ ეს ვერსია კატეგორიულად უარყვეს.
ამ დროისთვის ზუსტი მიზეზი, თუ რამ გამოიწვია მასობრივი ჭყლეტა, უცნობია და გამოძიება გრძელდება.
