ფერმერებს შეექმნათ გარკვეული დისკომფორტი, მაგრამ გადაწყვეტილებები, რომლებსაც ვიღებთ არის არსებული ვითარებიდან გამომდინარე

თაიმერი timer.ge
ავტ.: თაიმერი timer.ge აპრილი 23, 2020 15:09

ფერმერებს შეექმნათ გარკვეული დისკომფორტი, მაგრამ გადაწყვეტილებები, რომლებსაც ვიღებთ არის არსებული ვითარებიდან გამომდინარე

მნიშვნელოვანი

  • ფერმერებს შეექმნათ გარკვეული დისკომფორტი, მაგრამ გადაწყვეტილებები, რომლებსაც ვიღებთ არის არსებული ვითარებიდან გამომდინარე

სხვა სტატიები

ფერმერებს შეექმნათ გარკვეული დისკომფორტი, მაგრამ გადაწყვეტილებები, რომლებსაც ვიღებთ არის არსებული ვითარებიდან გამომდინარე, შესაბამისად, გარკვეული კომპრომისი აუცილებელია, – ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა განაცხადა საკოორდინაციო საბჭოს სხდომის შემდეგ.

მისი შეფასებით, ფერმები გმირები არიან და მათ მხარდასაჭერად მაქსიმუმი უნდა გაკეთდეს.

„ჩვენი ფერმერების მხრიდან სოლიდარობის მოლოდინი გვაქვს. ჩვენი ფერმერები ჩადიან გმირობას, როცა რთულ პირობებში ჩვენი ქვეყნის სასურსათო უსაფრთხოების უზრუნველყოფისთვის შრომობენ. ჩვენ მაქსიმალური უნდა გავაკეთოთ მათ მხარდასაჭერად. იქნება გარკვეული სირთულეები და უხერხულობები ამ შემზღუდავი მექანიზმების გამო, მაგრამ სხვაგვარად, წარმოუდგენელია, რომ მივაღწიოთ პროგრესს ჩვენი ქვეყნის მოსახლეობის ჯანმრთელობის უზრუნველსაყოფად.

27 აპრილიდან, ქვეყანაში, ეტაპობრივად, დაიწყება მობილობის ზრდა, რაზეც დეტალურად პრემიერ-მინისტრი ისაუბრებს. შესაბამისად, გადაადგილების მეტი საშუალებები იქნება, რაც ნიშნავს, რომ რეალიზაციის პრობლემები უფრო მეტად მოგვარდება“, – განაცხადა მინისტრმა.

ამასთან, როგორც მან აღნიშნა, ძალიან მნიშვნელოვანია სარეალიზაციო არხების საკითხი და მთავრობას ამ მიმართულებით კონკრეტული გეგმა აქვს.

„ჩვენ გვაქვს გეგმა, რომლის თანახმადაც, ეტაპობრივად, აგრარული ბაზრები, შესაბამისი სტანდარტის დაკმაყოფილების შემთხვევაში, შეძლებენ ოპერირებას. ვმუშაობთ, რომ ორგანიზებულად მოხდეს კომუნიკაცია მსხვილ მყიდველებსა და გამყიდველებს შორის. ყველა ეს ღონისძიება სიტუაციას შეამსუბუქებს. ეტაპობრივად, სულ უფრო ნაკლები წნეხი ექნებათ ფერმერებს. თუმცა, ჩვენ უნდა გავითავისოთ, რომ შეზღუდვები, რომლებიც მოქმედებს გარდაუვალი აუცილებლობიდან არის გამომდინარე“, – განაცხადა გარემოს დაცვისა და სოფლის მეურნეობის მინისტრმა, ლევან დავითაშვილმა.

თაიმერი timer.ge
ავტ.: თაიმერი timer.ge აპრილი 23, 2020 15:09

Google სტატისტიკა


12,796
ვიზიტორი
დღეში
Powered By Google Analytics