პენტაგონმა დაადასტურა, რომ ამერიკული კასეტური საბრძოლო მასალები უკვე უკრაინაშია. როგორც „სიენენი“ წერს, აღნიშნულის შესახებ განცხადება გაერთიანებული შტაბის ოპერაციების დირექტორმა, დუგლას სიმსმა პრესკონფერენციაზე გააკეთა.
„ამ დროისთვის კასეტური საბრძოლო მასალები უკრაინაშია“, – აღნიშნა დუგლას სიმსმა.
მისი თქმით, უკრაინა რუსეთისგან განსხვავებით აღნიშნული იარაღის მშვიდობიან მოსახლეობასთან სიახლოვეს გამოყენების ინტერესი არ აქვს.
„რუსებმა გამოიყენეს ეს იარაღი მშვიდობიანი მოსახლეობის წინააღმდეგ სამოქალაქო თემებში, რაც მნიშვნელოვნად განსხვავდება იმისგან, რასაც უკრაინელები აპირებენ. ისინი გეგმავენ კასეტური საბრძოლო მასალის გამოყენებას ტაქტიკურ გარემოში, რუსების წინააღმდეგ და არა მშვიდობიანი მოსახლეობის წინააღმდეგ“, – აღნიშნა გენერალ-ლეიტენანტმა.
