ჩრდილოეთ კორეის მიერ მორიგი რაკეტის გაშვება ამერიკის შეერთებულ შტატებს საფრთხეს არ უქმნის. ტელეარხ CNN-ის ცნობით, ამის შესახებ პენტაგონის ოფიცალურმა წარმომადგენელმა,რობ მენინგმა განაცხადა.
“ჩრდილოეთ კორეის მიერ გაშვებული სარაკეტა იაპონიის მიმართულებით დაეშვა. ჩვენ ჯერ კიდევ შეფასების პროცესში ვართ “- განაცხადა მენინგამ.
28 აგვისტოს, ჩრდილოეთ კორეამ იაპონიის ტოჰოკუს რეგიონის მიმართულებით კიდევ ერთი რაკეტა გაუშვა. როგორც ტოკიოში განმარტავენ, ზღვაში გაშვებამდე, რაკეტა იაპონიის ჩრდილოეთ ნაწილში გაფრინდა.
BBC -ის თანახმად, იაპონელ სამხედროებს რაკეტის ჩამოგდება არ უცდიათ. თუმცა, ადგილობრივმა ხელისუფლებამ მოსახლეობისთვის საგანგებო, გამაფრთხილებელი განცხადება გაავრცელა და მათ ურჩია თავშესაფარი მოეძებნათ ან სარდაფებში შეეფარებინათ თავი.
როგორც სააგენტო Yonhap-ი გაერთიანებული შტაბის განცხადებაზე დაყრდნობით იუწყება, “უცნობი ტიპის ჭურვი სუნანის რაიონიდან აღმოსავლეთის ზღვის მიმართულებით, ადგილობრივი დროით 5:57 საათზე გაუშვეს”.
სააგენტო Yonhap-ი ასევე სამხრეთ კორეის სამხედრო მაღალჩინოსანზე დაყრდნობით წერს, რომ რაკეტა 2.7 ათას კმ-ში გაფრინდა და მისი მაქსიმალური სიმაღლე 550 კმ იყო.
