ამერიკელმა სამხედროებმა, სირიის ტერიტორიაზე იპოვეს და მოკლეს ექსტრემისტული ორგანიზაცია “ისლამური სახელმწიფოს” ერთ-ერთი ლიდერი. ოპერაცია სირიის აღმოსავლეთით, ქალაქ მაიადინის ტერიტორიაზე ჩატარდა.
აშშ-ს თავდაცვის სამინისტროს მიერ გავრცელებულ განცხადებაში ნათქვამია, რომ მოკლულს აბდურახმან უზბეკი ქვია, იქვე განმარტებულია, რომ ტერორისტი წარმოშობით უზბეკეთიდან იყო. პენტაგონის განცხადებით, უზბეკი “ისლამური სახელმწიფოს” ლიდერის აბუ ბაქარ ალ-ბაღდადის უახლოესი მრჩეველი იყო და ის სტამბულში, 1 იანვრის ღამით კლუბზე მომხდარი თავდასხმის მომზადებაში იღებდა მონაწილეობას – წერს”ბიბისი”.