სპეციალური პენიტენციური სამსახური აქციების დროს დაკავებული მსჯავრდებულის, არჩილ მუსელიანცის მიერ „ფორმულასთვის“ გაგზავნილ წერილს ეხმაურება და აცხადებს, რომ მასში მოყვანილი ბრალდებები სიმართლეს არ შეესაბამება.
უწყების თქმით, სანიტარულ – ჰიგიენური მდგომარეობა, კვების ხარისხი, სამედიცინო მომსახურება და ა.შ. მათი უმთავრესი პრიორიტეტია.
კანალიზაციის წყალი იმ სარდაფშივე შრებოდა და ჩვენ პატიმრები ამას ვსუნთქავდით. მთელი დღე რომ გავიდა უკვე ჩვენ დავუძახეთ კარანტინის მორიგეს და ვთხოვეთ რომ სხვა მშრალ საკანში გადავეყვანეთ, რომ გაუსაძლისია აქ ყოფნა. მორიგემ უხეშად გვითხრა ,,მე რა ვქნა’’ ?
მეც იქ 7 დღე რომ გავატარე, სიცხე მომცა, კორპუსზე რომ ამომიყვანეს 2 დღე ვითხოვდი წამალს, პარაცეტამოლს, არ ვითხოვდი ექიმთან გასვლას, რადგან დრო გაიწელებოდა, ოფიცრები არ ეუბნებოდნენ ექიმს, რომ წამალი მინდა, როგორც იქნა მე-3 ცვლამ გამიყვანა ექიმთან – სიცხე გამიზომეს 38.6 მქონდა და მომცეს პარაცეტამოლი…
ღმერთმა არ ქნას, პატიმრები მასიურად მოვიწამლოთ ჩვენი პატრონი არავინ იქნება, 400 კაცს 1 ექიმი ვერ აუვა, ამიტომ უმეტესობა ვცდილობთ გამოვიკვებოთ მაღაზიით და ამანათებით.
