პენიტენციური სამსახური გლდანის ციხეში რამდენიმე პატიმრის შიმშილობის მიზეზს განმარტავს. უწყების მიერ გავრცელებული განცხადების თანახმად, დაწესებულებაში პროტესტის უკიდურეს ფორმას 6 მსჯავრდებული მიმართავს.
„ამ ეტაპზე Nმე-8 პენიტენციურ დაწესებულებაში შიმშილობს 6 პატიმარი, მათგან 3 ბრალდებულია და 3 მსჯავრდებული. თითოეული თავს უდანაშაულოდ მიიჩნევს და აპროტესტებს მათ მიმართ წარდგენილ ბრალდებას, ხოლო ერთი მსჯავრდებული, ამასთან ერთად ითხოვს ნახევრადღია დაწესებულებაში გადაყვანას“, – ნათქვამია განცხადებაში.
მანამდე სახალხო დამცველი ოფისში განაცხადეს, რომ 5 პატიმარი სამედიცინო და საყოფაცხოვრებო პრობლემების გამო შიმშილობს.
