ევროკავშირი ჯერ არ არის მზად იერუსალიმი აღიაროს ისრაელის დედაქალაქად. ამის შესახებ განაცხადა ევროკავშირის უმაღლესმა წარმომადგენელმა საგარეო საქმეთა და უშიშროების პოლიტიკის სფეროში ფედერიკა მოგერინიმ ისრაელის პრემიერ-მინისტრთან ბინიამინ ნეთანიაჰუსთან გამართულ ერთობლივ პრეს-კონფერენციაზე,- იუწყება ბრიტანული კორპორაცია “BBC”.
მოგერინის თქმით, ევროკავშირი იერუსალიმს ხედავს, როგორც ორი სახელმწიფოს დედაქალაქს – ისრაელის და პალესტინის. ევროკავშირის პოზიცია ამ საკითხთან დაკავშირებით შეიცვლება მას შემდეგ, რაც პალესტინა-ისრაელის მოლაპარაკებები წარმატებით დასრულდება.
შეგახსენებთ, 6 დეკემბერს აშშ-ს პრეზიდენტმა დონალდ ტრამპმა იერუსალიმი ისრაელის დედაქალაქად აღიარა.