„ყველას უნდა საქართველოში დაბრუნება“, – ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებაზე ბრძანა. პატრიარქი მოსკოვიდან რამდენიმე დღის წინ დაბრუნდა.
„თქვენი ლოცვით მშვიდობით დავბრუნდით საქართველოში და დიდი მოკითხვა გადმოგცეს ქართველებმა. ბევრი ქართველია იქ, თითქმის ერთი მილიონი. ყველას უნდა საქართველოში დაბრუნება“,- აღნიშნა პატრიარქმა ქადაგებისას.
