“პასუხების გაცემის ნაცვლად, კითხვები უფრო გამრავლდა” – ანა ნაცვლიშვილი ზაზა სარალიძესთან შეხვედრის შემდეგ

ქეთი ფერაძე
: ქეთი ფერაძე მაისი 30, 2018 13:56

“პასუხების გაცემის ნაცვლად, კითხვები უფრო გამრავლდა” – ანა ნაცვლიშვილი ზაზა სარალიძესთან შეხვედრის შემდეგ

პრეზიდენტის საპარლამენტო მდივანმა, ანა ნაცვლიშვილმა ხორავას ქუჩაზე მოკლული დავით სარალიძის მამასთან, ზაზა სარალიძესთან შეხვედრის შემდეგ განაცხადა, რომ იმდენად ბევრი კითხვაა დაგროვილი, რომ პრეზიდენტის ადმინისტრაცია აქტიურად მიადევნებს ამ საქმეს თვალს.

“ამ ძალიან ტრაგიკული საქმის შესახებ ინფორმირებული ვიყავით მედიის საშუალებით, მაგრამ სურვილი გვქონდა, რომ უშუალოდ შევხვედროდით დაზარალებულებს და მათ წარმომადგენლებს იმისთვის, რომ ყველა დეტალი და ყველა ინფორმაცია მათგან მოგვესმინა. ამ საქმეს თავიდანვე ჰქონდა არაერთი კითხვის ნიშანი და გამოძიების გაგრძელებასთან ერთად პასუხების გაცემის ნაცვლად, კითხვები უფრო გამრავლდა. მართლმსაჯულების სისტემა იმ კითხვებზე პასუხის გასაცემად არსებობს, რომლებიც საზოგადოებასა და დაზარალებულებში ჩნდება. იმდენად ბევრი კითხვაა დაგროვილი, რომ ჩვენ ამ საქმეს ძალიან აქტიურად მივადევნებთ თვალს, შევხვდებით ყველა ჩართულ მხარეს და მოვისმენთ ყველა მოსაზრებას”, – განაცხადა ანა ნაცვლიშვილმა.

ასევე ნაცვლიშვილის ინფორმაციით, პრეზიდენტის ადმინისტრაციის წარმომადგენლები ხვალ ხორავას ქუჩაზე მოკლული ლევან დადუნაშვილის ოჯახის წევრებს შეხვდებიან.

ქეთი ფერაძე
: ქეთი ფერაძე მაისი 30, 2018 13:56

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,878
ვიზიტორი
დღეში
Powered By Google Analytics