სომხეთის პრემიერ-მინისტრმა ნიკოლ ფაშინიანმა „პროკურორთა ევროპული დიალოგის“ გახსნის ცერემონიაზე ქვეყანაში არსებულ სისტემურ კორუფციასა და უსამართლობაზე ისაუბრა. ფაშინიანის განცხადებით, თუ მართლმსაჯულება მხოლოდ პრივილეგირებული ჯგუფებისთვის მუშაობს, ის რეალურად არც არსებობს.
„ქვეყანაში სამართლიანობა ან პატიოსნება მხოლოდ ელიტებისთვისაა ხელმისაწვდომი, რომლებსაც ფული და კავშირები აქვთ. ეს ფუნდამენტური პრობლემაა. თუ სამართლიანობა და პატიოსნება მხოლოდ ელიტისთვისაა ხელმისაწვდომი, მაშინ ისინი უბრალოდ არ არსებობენ“, -განაცხადა სომხეთის პრემიერმა.
