“თავისუფალი დემოკრატების” პარტიის ცენტრალურ ოფისში პარტიის გენერალურმა მდივანმა ემზარ კაკულიამ საგანგებო ბრიფინგი გამართა. მისი განცხადებით, პარტიამ საპარლამენტო არჩევნებიდან 4 მაჟორიტარი კანდიდატი მოხსნა და მაჟორიტარობის კანდიდატი მხოლოდ ერთ, საბურთალოს ოლქში იქნება წარმოდგენილი.
მიზეზი, თუ რატომ იქნა ეს გადაწყვეტილება მიღებული, ემზარ კაკულიას თქმით, არის ის, რომ ისინი აკვირდებოდნენ მხარდაჭერის სტატისტიკას ბოლო პერიოდში და გამარჯვების შანსი ნაკლები იყო მაჟორიტარებში, ამიტომ, ისინი პროპორციული წესით შეეცდებიან პარლამენტში მოხვედრას და გამარჯვების მოპოვებას.