პარტია “თავისუფალი დემოკრატები“ სპეციალურ განცხადებას ავრცელებს

პარტია “თავისუფალი დემოკრატები“ სპეციალურ განცხადებას ავრცელებს.

“თავისუფალი დემოკრატები” 2 მარტს სატელევიზიო კომპანია „რუსთავი 2“-ის მხარდამჭერ აქციაში მივიღებთ მონაწილეობას. ჩვენ სიტყვის თავისუფლებას ვიცავთ ყოველთვის, იმის მიუხედავად, ხელისუფლებაში ვართ თუ ოპოზიციაში. სიტყვის თავისუფლება არის ფუნდამენტური ღირებულება, რომლის დაცვა ჩვენს ქვეყანაში შესაძლებელი იქნება მხოლოდ იმ შემთხვევაში, თუ ხელისუფლებისგან დამოუკიდებელ და მისდამი კრიტიკულად განწყობილ მედია საშუალებებსა და ჟურნალისტებს დაუბრკოლებლად შეეძლებათ საქმიანობა.

ამიტომ “რუსთავი 2”-ის ისეთი სახით შენარჩუნებას, რომელი სახითაც დღეს არსებობს, ჩვენ პრინციპულ მნიშვნელობას ვანიჭებთ და განვიხილავთ, როგორც საკვანძო მომენტს თავისუფალი საქართველოს დემოკრატიული განვითარებისა და ქვეყნის ევროატლანტიკურ სივრცეში ინტეგრაციისათვის ბრძოლის საქმეში.

“თავისუფალი დემოკრატები“ “რუსთავი 2“-ის დამოუკიდებლობის დასაცავად მოვუწოდებთ ყველას, ვისთვისაც მნიშვნელოვანი და ძვირფასია სიტყვის თავისუფლება, პლურალისტული მედია და კრიტიკული აზრი.

ჩვენ ერთად უნდა შევაკავოთ ძალაუფლების უზურპაციისკენ მიდრეკილი ხელისუფლება და მასზე დაქვემდებარებული, პოლიტიზებული სასამართლო. ჩვენ ერთად უნდა დავამკვიდროთ ჩვენს ქვეყანაში კანონის უზენაესობისა და კანონის წინაშე თანასწორობის პრინციპები!”, – აღნიშნულია განცხადებაში

banner
წინა სტატიაშიუზენაეს სასამართლოსთან სამართალდამცველების მობილიზაცია გამოცხადდა
შემდეგი სტატიაპოლიციის მობილიზება უზენაეს სასამართლოსთან