პარტია „ქართული ოცნება-დემოკრატიული საქართველოს“ ყრილობა 11 მაისს გაიმართება. ამის შესახებ ინფორმაციას პარტიის პრესსამსახური ავრცელებს.
ამასთან, ხვალ პარტიის პოლიტსაბჭოს სხდომა ჩატარდება.
„პირველ მაისს „ქართული ოცნება-დემოკრატიული საქართველოს“ პოლიტსაბჭოს სხდომა გაიმართება. პოლიტსაბჭოს სხდომა პარტიის ცენტრალურ ოფისში ჩატარდება. 11 მაისს კი, „ქართული ოცნება-დემოკრატიული საქართველო” რიგით მეხუთე ყრილობას გამართავს“, – აღნიშნულია პრესსამსახურის ინფორმაციაში.
ყრილობაზე პარტია „ქართული ოცნება-დემოკრატიული საქართველოს“ თავმჯდომარედ ბიძინა ივანიშვილს აირჩევენ, ასევე, არჩეულ იქნება პარტიის ახალი პოლიტსაბჭო.
