პარტია „ქართული ოცნების“ ცენტრალურ ოფისში უმრავლესობის სხდომა მიმდინარეობს. სხდომას პარტიის თავმჯდომარე ბიძინა ივანიშვილი ხელმძღვანელობს.
როგორც შეხვედრის დაწყებამდე ჟურნალისტებს უმრავლესობის წარმომადგენელთა ნაწილმა განუცხადა, მთავარი განსახილველი საკითხები იქნება სასამართლო სისტემაში არსებული გამოწვევები და პარტიის შიგნით მიმდინარე პროცესები.
„ქართული ოცნების“ ცენტრალურ ოფისში სხდომა 16:00 საათზე იყო ჩანიშნული, თუმცა ის თითქმის ერთსაათიანი დაგვიანებით დაიწყო.
