პარტია „ლელომ“ ქალთა საბჭოს კიდევ 12 წევრი წარადგინა

region
ავტ.: region სექტემბერი 20, 2020 14:42

პარტია „ლელომ“ ქალთა საბჭოს კიდევ 12 წევრი წარადგინა

პარტია „ლელო საქართველოსთვის“ ქალთა საბჭოს წევრების წარდგენას განაგრძობს. პარტიამ დღეს თელავის, ახმეტის, ყვარლისა და ლაგოდეხის მუნიციპალიტეტებიდან ქალთა საბჭოს 12 წევრი წარადგინა.

როგორც აღინიშნა, პარტიამ აქცენტი გააკეთა წარმატებულ და რეალიზებულ ქალებზე, რომლებიც სხვადასხვა სფეროში არიან დასაქმებული და პარტიას „ლელო საქათველოსთვის“ უჭერენ მხარს.

პარტიის თელავი-ახმეტა-ყვარელი-ლაგოდეხის გაერთიანებული ოლქის მაჟორიტარი დეპუტატობის კანდიდატმა ირაკლი ტალახაძემ აღნიშნა, რომ „ლელო საქართველოსთვის“ დიდ როლს ანიჭებს ქალთა მონაწილეობას როგორც ბიზნესში, ასევე პოლიტიკაში.

„ლელოს“ პრინციპია, ქალებს ჰქონდეთ ერთნაირი პირობები და ანაზღაურება ერთი და იგივე საქმეში, რასაც კაცი და ქალი ასრულებენ, იქნება ეს მევენახე, თუ აღმასრულებელი თანამდებობა“, – განაცხადა ტალახაძემ.

region
ავტ.: region სექტემბერი 20, 2020 14:42