პარტია „ჩვენ“ სახალხო დამცველს გაღვიძებისკენ მოუწოდებს და „მთავარის“ ოპერატორზე მოძალადე პოლიციელების დასჯას ითხოვს

„ქართული ოცნების“ რეჟიმმა 2024 წლის 19 ნოემბერს, დილით, კიდევ ერთხელ გამოაჩინა თავისი რუსული ხასიათი და თსუ-ს პირველ კორპუსთან შეკრებილი მშვიდობიანი აქციის მონაწილეები დაშალა. ამასთან, პოლიციამ მშვიდობიანი აქციის არაერთ მონაწილეზე ფიზიკურად იძალადა და ძალის უხეში გამოყენებით დააკავა.
განსაკუთრებით ხაზგასასმელია, რომ ძალოვანებმა ასევე, ძალის უხეში გამოყენებით დააკავეს „მთავარის“ ოპერატორი, რომელიც აქციაზე პროფესიულ მოვალეობას ასრულებდა, ანუ პოლიციამ ჟურნალისტს პროფესიული მოვალეობის შესრულებაში ხელი შეუშალა, რაც სისხლის სამართლის დანაშაულია! მართალია, „მთვარი არხის“ ოპერატორი გაათავისუფლეს, მაგრამ მიუხედავად ამისა, ყველა დამნაშავე უმკაცრესად უნდა დაისაჯოს!
პოლიტიკური პარტია „ჩვენ“ გმობს მშვიდობიანი აქციის მოანწილეებსა და ჟურნალისტებზე ხელისუფლების ძალადობას და მოუწოდებს სახალხო დამცველს, რომელიც ამ დრომდე არ გამოჩენილა, გაიღვიძოს და შეასრულოს მისდამი დაკისრებული მოვალეობა!