„ქართული ოცნება“ პარლამენტში ქართული მთის ლუდის ტრადიციების შემსწავლელ სამუშაო ჯგუფს შექმნის. ამის შესახებ სოფლის მეურნეობის კომიტეტის სხდომაზე საპარლამენტო უმრავლესობის წევრმა, გელა სამხარაულმა განაცხადა.
დეპუტატმა სხდომაზე იმ საორგანიზაციო საკითხებზე ისაუბრა, რომლებიც ქართული მთის ლუდისთვის არამატერიალური კულტურული ძეგლის სტატუსის მინიჭების პერსპექტივასა და ამ მიმართულებით სპეციალური კომიტეტის სამუშაო ჯგუფის ჩამოყალიბებას შეეხება.
როგორც სამხარაულმა აღნიშნა, ჯგუფის მიზანი მთაში ლუდის ხარშვის უნიკალური, საუკუნოვანი ტრადიციების შესწავლა, შენარჩუნება და მათი პოპულარიზაცია იქნება.
