27 და 28 მაისს პარლამენტი „აგენტების კანონზე“ დადებული ვეტოს საკითხს განიხილავს. ისევე, როგორც ამ კანონპროექტის სამი მოსმენით განხილვის დროს, ახლაც პარლამენტში მხოლოდ ტელემედიის ჟურნალისტებს უშვებენ.
ონლაინმედიის, რადიოსა და პრესის ჟურნალისტებისთვის შეზღუდვები გაურკვეველი ვადით არის დაწესებული. პარლამენტის გავრცელებულ განცხადებაში წერია, რომ „მიმდინარე წლის 27 მაისიდან მის მოხსნამდე, საქართველოს პარლამენტის სასახლეში იმოქმედებს უსაფრთხოების ყვითელი დონე – ვიზიტორებს ეზღუდებათ პარლამენტის სასახლეში შესვლა“.
