პარლამენტში ირაკლი კობახიძისა და იუსტიციის უმაღლესი საბჭოს მდივნის შეხვედრა მიმდინარეობს

region
: region იანვარი 12, 2019 10:32

პარლამენტში ირაკლი კობახიძისა და იუსტიციის უმაღლესი საბჭოს მდივნის შეხვედრა მიმდინარეობს

არლამენტში ირაკლი კობახიძისა და იუსტიციის უმაღლესი საბჭოს მდივნის, გიორგი მიქაუტაძის შეხვედრა მიმდინარეობს.

ირაკლი კობახიძისა და გიორგი მიქაუტაძის შეხვედრა გასული წლის 28 დეკემბერსაც შედგა. როგორც პარლამენტის თავმჯდომარემ მაშინ ჟურნალისტებთან საუბრისას განაცხადა, საუბარი უზენაესი სასამართლოს ფორმირებასთან დაკავშირებულ პროცესს შეეხო. კობახიძის თქმით, პროცესის სასწრაფოდ ბოლომდე მიყვანაა საჭირო, რადგანაც უზენაეს სასამართლოში პრობლემაა – 28-ის ნაცვლად, 10 მოსამართლეა.

„იუსტიციის უმაღლესი საბჭო კონსტიტუციური ორგანოა, რომელიც მართლმსაჯულების სისტემაში პროცესების კოორდინაციაზე არის პასუხისმგებელი. აქედან გამომდინარე, პრინციპული მნიშვნელობა აქვს პარლამენტსა და იუსტიციის უმაღლეს საბჭოს შორის თანამშრომლობას. შევთანხმდით იმაზე, რომ მჭიდრო თანამშრომლობა გაგრძელდება სხვადასხვა მიმართულებით, იქნება ეს კანონშემოქმედება თუ ნებისმიერი სხვა მიმართულება, სადაც აუცილებელია თანამშრომლობა.

ასევე, რა თქმა უნდა, ჩვენი საუბარი შეეხო იმ პროცესს, რომელიც დაკავშირებულია უზენაესი სასამართლოს ფორმირებასთან. ამ პროცესის სასწრაფოდ ბოლომდე მიყვანაა საჭირო, რადგანაც პრობლემაა უზენაეს სასამართლოში. დღეს 10 მოსამართლეა წარმოდგენილი ნაცვლად 28-ისა, რაც ბუნებრივია პრობლემებს ქმნის საქმეთა დროული განხილვისა და გადაწყვეტის კუთხით. აქედან გამომდინარე, ჩვენ მჭიდრო თანამშრომლობა გვექნება.

ასევე საუბარი გვქონდა პროცედურასა და კრიტერიუმებზე. ვიდრე პროცესი განახლდება, საჭიროა პროცედურის და კრიტერიუმების გაწერა. რა თქმა უნდა, ესეც უნდა გაკეთდეს თანამშრომლობის საფუძველზე“, – განაცხადა ირაკლი კობახიძემ.

region
: region იანვარი 12, 2019 10:32

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


13,393
ვიზიტორი
დღეში
Powered By Google Analytics