პარლამენტმა „უმაღლეს განათლებასთან დაკავშირებული კვალიფიკაციების აღიარების შესახებ“ გლობალური კონვენციის რატიფიცირებას მხარი 89 ხმით, ერთხმად დაუჭირა.
„უმაღლეს განათლებასთან დაკავშირებული კვალიფიკაციების აღიარების შესახებ“ გლობალური კონვენცია პლენარულ სხდომაზე რატიფიცირებისათვის განათლების, მეცნიერებისა და ახალგაზრდობის მინისტრის მოადგილემ ნოდარ პაპუკაშვილმა წარადგინა.
მომხსენებლის ინფორმაციით, კონვენცია 2019 წელს იუნესკოს გენერალური კონფერენციის მე-40 სესიაზე მიიღეს, რომელიც გლობალური მასშტაბით, უმაღლესი განათლების შესახებ გაერთიანებული ერების ორგანიზაციის პირველი ხელშეკრულება გახდა.
მინისტრის მოადგილის განმარტებით, კონვენცია, რომელსაც უკვე 26 ქვეყანა მიუერთდა, დიპლომებისა და განათლების დამადასტურებელი დოკუმენტების აღიარებას ამარტივებს.
