პარლამენტმა სახალხო დამცველის ანგარიშის შესახებ დადგენილება მიიღო

პარლამენტის რიგგარეშე სესიაზე 81 ხმით, ერთხმად მიიღეს „2020 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ“ საქართველოს სახალხო დამცველის ანგარიშის თაობაზე“ დადგენილება.

პარლამენტმა, 2020 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ სახალხო დამცველის, ნინო ლომჯარიას ანგარიშს 23 ივნისის პლენარულ სხდომაზე მოუსმინა.

486-გვერდიან ანგარიშში მიმოხილულია 2020 წელს ადამიანის უფლებების დაცვის თვალსაზრისით ქვეყანაში არსებული გამოწვევები და პროგრესი, ასევე, სახალხო დამცველის მიერ გაცემული რეკომენდაციებისა და წინადადებების შესრულების მდგომარეობა.

24 ივნისის პლენარულ სხდომაზე კი სახალხო დამცველის ანგარიშთან დაკავშირებით, პარლამენტმა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მოხსენება მოისმინა.

რეკლამის ბანერი
წინა სტატიაშიგამყრელიძე- ქვეყანას ემუქრება ძალიან რთული სიტუაცია, ჩვენ, დიდი ალბათობით შეიძლება შევიდეთ მძიმე, მეოთხე ტალღაში
შემდეგი სტატიაადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მოადგილის თანამდებობას ანა ბუჩუკური დაიკავებს