პარლამენტმა ადმინისტრაციულ საპროცესო კოდექსში შესატანი ცვლილებები დაამტკიცა

პარლამენტმა, „საქართველოს ადმინისტრაციულ საპროცესო კოდექსში“ ცვლილებები მესამე მოსმენით 82 ხმით, 1 წინააღმდეგ მიიღო.

ცვლილებებით მოვაჭრის ქმედების დროებით შეჩერებასთან დაკავშირებით ადმინისტრაციული სამართალწარმოების საკითხები განისაზღვრება. კერძოდ: შესაბამისი საფუძვლების არსებობისას, გადაწყვეტილებას მოვაჭრის გარკვეული ქმედების დროებით, კონკურენციის სააგენტოს მიერ საბოლოო გადაწყვეტილების მიღებამდე შეჩერების თაობაზე, სააგენტოს შუამდგომლობის საფუძველზე იღებს თბილისის საქალაქო სასამართლოს მოსამართლე. პროექტით ასევე გათვალისწინებულია თუ რას უნდა შეიცავდეს სააგენტოს შუამდგომლობა და მოვაჭრის გარკვეული ქმედების დროებით შეჩერების გადაწყვეტის წესი, ასევე მოვაჭრის ქმედების დროებით შეჩერებასთან დაკავშირებით ბრძანების გასაჩივრების საკითხები.

წინა სტატიაშიფრანკ ვალტერ შტაინმაიერი აცხადებს, რომ გერმანია უკრაინას იარაღს მიაწვდის
შემდეგი სტატიაარესტოვიჩი – პუტინმა ყველაფერი იცის ომის შესახებ, ყველაფერი მშვენივრად ესმის – რუსების მარცხი გარდაუვალია და ამას კრემლში უკვე იაზრებენ