,,პარლამენტის წვდომა თავდაცვისა და უსაფრთხოების სექტორის უწყებებზე მათ პასუხისმგებლობას კიდევ უფრო გაზრდის”

თაიმერი timer.ge
: თაიმერი timer.ge თებერვალი 5, 2019 18:36

,,პარლამენტის წვდომა თავდაცვისა და უსაფრთხოების სექტორის უწყებებზე მათ პასუხისმგებლობას კიდევ უფრო გაზრდის”

მნიშვნელოვანი

  • პარლამენტის საქმიანობის ანგარიშზე საუბრისას პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა პირველ რიგში საკონსტიტუციო რეფორმის მნიშვნელობა გამოყო.

სხვა სტატიები

პარლამენტის საქმიანობის ანგარიშზე საუბრისას პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა პირველ რიგში საკონსტიტუციო რეფორმის მნიშვნელობა გამოყო.

„ჩვენი ქვეყნის ისტორიაში ეს იყო ერთ-ერთი ყველაზე თვალსაჩინო და მნიშვნელოვანი წარმატება. პარლამენტის თავმჯდომარემ აღნიშნა და მეც მინდა ხაზი გავუსვა, რომ ის რეგულაცია, რომელიც საომარი და საგანგებო მდგომარეობის დროს სამართლებრივ მოქმედებებს შეეხება, არის წარმატებული რეფორმა და ამისთვის ირაკლი კობახიძეს და კონსტიტუციის რეფორმაზე მომუშავე მთელ გუნდს მადლობა მინდა გადავუხადო“, – განაცხადა ირაკლი სესიაშვილმა.

კომიტეტის თავმჯდომარემ, რევოლუციური ცვლილებები უწოდა პარლამენტის რეგლამენტის ახალ რედაქციას და იმ სიახლეებს, რაც აღნიშნულ დოკუმენტში აისახა. მისი განცხადებით, ის პოლიტიკური ცხოვრების წესი, რაც ახალი რეგლამენტით განმტკიცდა, უფრო მაღლა დგას, ვიდრე ის პოლიტიკური კულტურა, რომელიც ზოგადად ქვეყანაშია. „რეგლამენტი ხელს შეუწყობს საპარლამენტო საქმიანობის გაძლიერებას და იგი უკეთესად მოემსახურება ქვეყნის დემოკრატიულ განვითარებას“, – აღნიშნა ირაკლი სესიაშვილმა.

გამოსვლის დასასრულ, კომიტეტის თავმჯდომარე თავდაცვისა და უსაფრთხოების სექტორზე საპარლამენტო კონტროლის გაძლიერების მნიშვნელობას შეეხო და აღნიშნა, რომ პირველად საპარლამენტო ცხოვრებაში განხორციელდა ცვლილებები, რითაც პარლამენტს საშუალება მიეცა ზედამხედველობა უზრუნველყოს სამინისტროების შესაბამისი ძალოვანი უწყებების არა მხოლოდ საფინანსო, არამედ მათ შორის, საიდუმლო საქმიანობებზე. „თავდაცვისა და უსაფრთხოების სექტორზე პარლამენტის მიერ სრულყოფილი და ყოვლისმომცველი წვდომა, გაზრდის უწყებების პასუხიმგებლობას და ასევე ჩვენ, პარლამენტს საშუალებას მოგვცემს სწორად განვსაზღვროთ არსებული სექტორების პოლიტიკა“, – განაცხადა ირაკლი სესიაშვილმა.

თაიმერი timer.ge
: თაიმერი timer.ge თებერვალი 5, 2019 18:36

დღის ფოტო

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,061
ვიზიტორი
დღეში
Powered By Google Analytics