საქართველოს სახელმწიფო დროშის დღესთან დაკავშირებით საქართველოს პარლამენტის თავმჯდომარე ირაკლი კობახიძე, ხვალ, პარლამენტში საზეიმო მიღებას გამართავს.
პარლამენტის ინფორმაციით, ღონისძიებაზე გამოიფინება საქართველოს ყველა მუნიციპალიტეტის გერბი და დროშა, აგრეთვე თვითმმართველი ქალაქების სიმბოლოები.
გარდა ამისა, მოწვეულ სტუმრებს ექნებათ საშუალება დაათვალიერონ მსოფლიოს სხვადასხვა მუზეუმებიდან და ბიბლიოთეკებიდან მოპოვებული პორტოლანები, (საზღვაო რუკები), რომლებზეც საქართველო გამოსახულია ისტორიული ხუთჯვრიანი დროშით.
